Knives Out 2 an peihfel tawh

Daniel Craig chuan 'Knives Out 2' chu peihfel a ni tawh tih sawiin tun favangah hi chuan tlangzarh hman beisei a nih thu a sawi.

Kum 53 lai ni ve tawh James Bond actor hi 'Knives Out 2'-ah hian a inlan leh dawn a, private detective Benoit Blanc lemah a chang leh dawn a ni. Craig chuan kum 2019-a Netflix-a tlangzarh mystery movie chhunzawmna hi tlangzarh mai theih turin an peihfel tawh tih a sawi a, director Rian Johnson chuan a edit leh mek tih a sawi a ni.

'Knives Out 2'-ah hian film star lar an inlan leh nual dawn a, Kate Hudson, Dave Bautista, Edward Norton, Janelle Monáe, Kathryn Hahn, Leslie Odom Jr., Madelyn Cline, Jessica Henwick, leh Ethan Hawke-te pawh inlan tur zingah an tel.