The Voice: Nick Jonas thlaktu tur Gwen Stefani
The Voice season 19 judge atan Gwen Stefani chu ruat a ni leh tih American television network, National Broadcasting Company (NBC) chuan a tarlang.
Thla hmasa khan The Voice season 18 zawh a ni a, kha mi ṭuma judge Nick Jonas chu Stefani hian a thlak dawn a ni. Stefani hian Kelly Clarkson, John Legend leh a pasal Blake Shelton-te bulah ṭhuthmun a rem ve leh dawn ta a ni.
The Voice season 7,9,12 leh 17-ah Stefani hi judge-ah a lo ṭang tawh a, season 8 leh 10-ah khan mentor angin a lo ṭang tawh bawk.
Gwen Stefani hi a phur tawh hle a, social media lamah pawh a phur tawh thu tarlang hialin, nikum lamah pawh khan The Voice judge nih nuam a tih thu a sawi tawh a ni.