A zawna pakhatna hauh thei Judith Lalremruati

Durtlang nula Judith Lalremruati chuan Hon­trade International Ṭhazual Fakna chart-ah No.1 a hauh leh ta a, a zawnin din­hmun sang ber a luah ta.

Judith-i hian 'Kan fam­kimna' tih hla hmang­in pakhatna a hauh a, he hla hmang vek hian chart hmasa lamah khan No.1 a lo hauh tawh bawk a ni. He hla mawi tak mai hi Henry Lalmawizuala phuah a ni a, chart-ah a lang zing ta hle. A hla thu a ṭha a, Judith hian a mawina tur ang takin a sa chhuak thei a ni.

Fakna hla thlan hlawh ber a ni hi a mak lo a, chart-ah kan hmu zui zel a nih pawhin a mak lo ang. Music video hi July thla khan tichhuah a ni a, tun laia fakna hla thlan hlawh ber a ni.

Tun ṭumah hian chart hmasa lama pa­hnih­na hauhtu Thawh­lehnaniropuia chuan dinhmun sang ber dawttu a luah ve leh bawk. Pui­puia hian 'Khawngaih Chhandamna' tih hla hmangin hun eng emaw chen min awi tawh a, thlan pawh a hlawh zui zel a ni.

Felfeli Ralte chu 'Lal­pan a pui ang che' tih hla hmangin top 3-ah a invawrh kai a, Mawitei Ralte chu palina-ah a awm ve thung a ni. Mawi­tei hian chart hmasa lamah khan 'Nghilhni I awm lo' tih hla hmangin pathumna a lo hauh tawh a ni.

One in Christ te chuan top chart-a lang phak hla pahnih - 'Lalpa phut' leh 'A hmangaihna a lo ni' tih te an nei. Ṭhazual Award pawh lo dawng tawh One in Christ record a turu a, tun ṭum chauh lo pawh hi chart-ah dinhmun sang tak tak an lo luah tawh ṭhin a ni.

Top 10-ah hian Amtea Chhakchhuak chuan hla pahnih a thawh ve bawk. 'Adonai Ropui Ber' leh 'Engkim ka hlan a che' tih hla hmangin pasarihna leh 10-na a hauh a, 'Adonai Ropui Ber' phei hi chu hun eng emaw chen No.1 a lo hauh tawh a ni.

Top 10-ah hian PC Vanlalhriati (Tenu-i) leh Ruthi CVL Muanpuii te an lang bawk.

Hontrade International Ṭhazual Fakna Top 10
1. Judith - Kan famkimna
2. Thawhlehnaniropuia - Khawngaih Chhandamna
3. Felfeli Ralte - Lalpan a pui ang che
4. Mawitei Ralte - Nghilhni I awm lo
5. One in Christ - Lalpa phut
6. PC Vanlalhriati (Tenu-i) - Ka hria a sin
7. Amtea - Engkim ka hlan a che
8. Ruthi CVL Muanpuii - Chenchilhtu Thlarau Thianghlim
9. One in Christ - A hmangaihna a lo ni
10. Amtea - Adonai Ropui Ber