Kum 2021 Q4-ah Netflix subscriber beisei angin pung lo

Netflix chuan nikum Q4 (October-December) chhunga subscriber an neih thar zat puanzar a ni a, mithiamte chhut lawk aiin nuai hnih laiin a tlem zawk!

Los Gatos, California, company hian nikum Q4-ah khan khawvel pumah subscriber mtd 8.3 lai chu an neih belh tho a, FactSet Research-in a tarlan dan chuan kumin thla hmasa pathumah pawh hian mtd 2.5 vel an neih belh hmel a, analyst-te'n mtd 4 vel lai an neih belh theih an rin laiin chu pawh chu an pha dawn lo nasa hle niin a lang.

Netflix hian nikum pum-puiah khan subscriber mtd 18.2 vel an neih belh a, kum 2020-a an neih belh aiin a zatve deuhthawin a tlem.

Streaming platform lian dang Disney, Apple, Amazon leh HBO-te'n nasa taka ṭan an lak thar avangin Netflix hian an tuar niin BBC chuan an tarlang a ni.