'Attack on Titan’ theme song Billboard chart-ah a lang

Anime freak-te tan thu hriat nuam tak hriat tur a awm e. Anime hit series 'Attack on Titan' final season part pahnihna opening theme 'The Rumbling' chu Billboard Hot Hard Rock Songs chart-ah pathumna a ni.

MRC Data-in a tarlan dan chuan 'The Rumbling' hi January 7-13 khan US-ah vawi maktaduai 1.6 lai stream a ni a, download 600 a awm bawk. He theme song satu Japanese alt metal act Silence Iz Mine-te hla US Billboard chart-a a lan vawi khatna a ni bawk.

Hard Rock Digital Song Sales-ah 15-na a ni a, Hot Rock & Alternative Songs chart-ah 30-na ni bawkin, 'Attack on Titans' series hrim hrim hi a hit bawk a, fan a ngah hle tih a hriat. April 7, 2013 aṭang khan he Anime series hi tihchhuah ṭan niin tunah hian season tawp ber, season 4 a chhuak mek a ni.

Nikumah khan he Anime hian Guiness World Record hial pawh lo siam tawhin 'Most in-demand anime TV show' record a siam a, Anime huangchhungah award phei chu a dawng tam tawh hle nghe nghe.