Netflix-in 'Squid Game' S2 an official-in an tichiang ta

Netflix chuan an hit South Korean thriller series 'Squid Game' chu season 2 an siam leh dawn tih official-in an tichiang ta.

Streaming giant hian Ningani khan official-in hemi chungchang hi an puang chiang ta a, Netflix co-CEO leh chief content officer Ted Sarandos chuan a puangzar a ni.

Nikum kum tawp lamah khan season 2 a awm leh dawn tih hi chu sawilan a ni daih tawh a, mahse official lamin chiang takin an la sawi loa, tunah erawh an sawi chiang ve ta a ni.

Lee Jung-jae, Park Hae-soo, Wi Ha-joon leh HoYeon Jung-te channa series hi nikum September thlaah khan tihchhuah ṭan a ni a, a hmuhnawm bawka khawvelin a ngaihven nghal hle. Netflix-a series en hlawh ber ni nghalin ram hrang hrang 94-a program en hlawh ber a ni hman a, chhungkaw maktaduai 142 vel zetin kar li chhung lekin en hmanin he series en hian darkar tluklehdingawn 1.64 zet kar li chhungin hun an hmang hman!