Adele ’30’- US-ah copy mtd 1.5 chuang hralh tawh

British singer Adele chuan a studio album thar ber ’30’ chu US-ah ringawt copy maktaduai 1.5 a hralh tawh a, Billboard Top Album Sales chart lamah pawh kar riat chhung a zawnin topper a ni tawh.

Kar hmasa chhung khan '30' hi copy 21,000 lai a hralh leh a, hei nen hian copy mtd 1.51 a hralh tling ta chiah a, tunhnaia album tihchhuah thar hoah chuan hralh a kal ber a ni. He album hi Adele studio album palina niin November 19 khan a tlangzarh a, Recording Industry Association of America (RIAA) lam pawhin 3x Platinum album-ah an puang tawh nghe nghe.