Eminem album thar 'Kamikaze' a hit

American rapper Eminem chuan tum dang ang bawkin a album thar 'Kamikaze' a hlawhtlinpui leh dawn niin a lang a, a hit nghal hle.

Eminem hian sawi lawk lem loin kar kalta Ningani zan khan album hi a tlangzarh a, fan te a barakhaih hle. Chanchin lawmawm lam a nih avangin fan te an phur hle a, darkar rei lo teah internet khawvel a dengchhuak. A hla ngaithla hmasa nih tumin an bei a, social media lamah pawh an tarlang nasa hle.

'Kamikaze' hi nikuma a tichhuah 'Revival' hnua a album hmasa ber a ni a, hla 13 a awm a ni. A album cover-ah thlawhtheihna hnung lam leh hma lam a tilang a, a dangdai em avangin sawizui pawh a hlawh hle.