Terminator 6-ah Natalia Reyes

Science fiction/action film lar terminator chu nakkum khian a chuak leh dawn a, Arnold Schwar­zenegger leh Linda Hamilton te pawh an inlan leh dawn. Hetiang karah hian hmel thar hmuh tur a awm dawn a, chu chu Colombian actress Natalia Reyes a ni.

Kum 31 mi Natalia Reyes inlan tur hian ngaihven a hlawh a, sawi zui hlawh ber pakhat a ni mek. 'Lady, la vendedora de rosas' star hi an ramah chuan lar viau bawk mah se, khawvelin a la hmel hriat tawk lo. Kuminah hian Spanish films pahnih - Pickpockets leh 'Birds of Passage'-ah te an inlan a, Terminator-ah a chang dawn tih thawm a awm avang hian a chanchin hian ngaihven a hlawh zual a ni.

Kum 2016 aṭanga English ṭawng hmanna film-a inlar ve chauh Reyes hian terminator-ah hian eng role nge a play dawn tih chian a la ni lo bawk. Terminator 6 hi a title puanzar a la ni lo a, nakkum November thlaah tlangzarh a ni ang.