Michael Jackson Video Vanguard Award dawng tur Jennifer Lopez

August 21 khian MTV Video Music Award sem a ni leh tawh dawn a, he hunah hian American singer Jennifer Lopez chu Michael Jackson Video Vanguard Award hlan a ni dawn. He award hi music leh film khawvela mi hlawhtling te hnena hlan ṭhin a ni.

MTV chuan tun hnai khan Jennifer Lopez hnenah chawimawina hlan anih tur thu hi an puang a, lawmpuitu a ngah hle. J.Lo hi music khawvelah chuan a hlawhtling ber te zinga mi niin, a record pawh a theuneu lo hle. A album hrang hrang te chu copy maktaduai 40 chuang zet a hralh tawh a, chart hrang hranah pawh a che ṭha hle. Billboard Album chart-ah pawh hmeichhe zinga No.1 hauh thei hmasa ber a ni. Romantic comedy 'The Wedding Planner' ah pawh lo inlan tawh J.Lo hian production company a din 'Nuyorican Productions' chu a hlawhtlinpui hle bawk.

Chawimawina dawng tur Jennifer Lopez chuan a chhungte leh amah duhsaktute chungah lawmthu a sawi a, "Mi vannei tak ka ni" a ti bawk. Time Magazine-in '100 Most Influential People' a tih chhuaha lang phak J.LO hian a mihingpuite tan pawh a thawh hlawk hle a, Hurricane Irma leh Hurricane Maria-in Puerto Rico a nuai avanga mi tam takin chhiat an tawh khan $mtd 1 zet an thawh a ni.