Prayer Singers ten hla thar tichhuak leh ta

Salvation Army ṭhalai zaimi intel khawm Prayer Singers te chuan hla thar 'Do te hneh tura pawl siam kan ni' tih hla an peihfel leh ta.

Prayer Singers te hian music video an lo siam nual tawh a, tun ṭuma mi hi a pangana a ni. He hla hi Mizorama Salvation Army dinchhuaktu Pu Kawlkhuma lehlin a ni a, Sipai Pawl hla lar tak pakhat a ni. Music hi rimawi lama sulhnu nei ṭha tak Ephraim-a kutchhuak a ni a, recording hi Zonun Recording-ah tih a ni. Video hi Remruata Biliwaif kut chhuak a ni thung.

'Do te hneh tura pawl siam kan ni' tih music video hi Music Domain Mizoram (MDM) library-ah dahluh a ni tawh a, Zonet local channel-ah pekchhuah thuai a ni ang.

Prayer Singers hi kum 2017-a Salvation Army, India Eastern Terri­tory-in kum 100 a tlin cham­pha puala din kha niin, PC Vanlalhriati, Judith Lalremruati leh H. Van­lalhlimpuii (Hlim­hlim-i), Lily Lalṭhakimi, Rohlupui Varte leh Samuel Pachuau te chu member an ni.