Science & Environment Dinosaur chi thar Chile-ah hmu chhuak

Chilean zirmite chuan kar hmasa Nilaini khan 'Nature'-ah an thil hmuh chhuah thar tlangzarhin ramsa mang tawh dinosaur chhungkaw zinga mi ankylosaur chi thar an hmuh chhuah thu a tarlang.

Ankylosaur-te hi kum maktaduai tam tak liam tawha Chile vela khawsa ṭhin, an taksa ralthuam ang maia bawl hrup ṭhin ho kha an ni a, tuna fossil an zirchian aṭanga chi thar an hmuh chhuah hi 'Stegouros elengassen' tiin a hming an phuah.

'Stegouros elengassen' hian a meiah hrei (axe) ang tak a nei niin an sawi a, ankylosaur ho lo chhuahna leh an taksa pian hmang mak tak an neih dan zirchianna turin tuna an dinosaur chi thar hmuh chhuah hi a la ṭangkai hle dawn niin an sawi bawk.

'Stegouros elengassen' luruh chu ankylosaurs dangte nen a inang hle niin an sawi a, a luruh ṭha taka an dah ṭhat an zirchian chu metre hnih vel zeta lian niin Cretaceous period hnuhnung lama (kum mtd 71.7 - 74.9 vel liam tawh) Chile chhim tawpa awm Magallanes vela khawsa ṭhin niin an tarlang.