Arini Krismas hla thar 'Emmanuel'

Vankhama hla 'Krismas' tih hla mawi taka satu R. Lalrinmawii (Arini) chuan Krismas hla thar 'Emmanuel' tih chu zanin hian a tichhuak dawn.

Arini hian Krismas hla a lo tichhuak zeuh zeuh tawh a, zai a thiam bawka, a sa mawi ṭhin hle a, tuna a hla tihchhuah thar tur pawh hi a mawi leh viau turah beisei ang. 'Emmanuel' hi a u Fela, Durtlang Leitan phuah a ni a, a mawi lehpek dawn tih a chiang. Maruati'n thiam taka a sak 'Pathian Hmangaihna' phuahtu, kumin Ṭhazual award-a Best Songwriter Gospel award dawngtu Krismas hla phuah hi ngaihthlak a manhla hle ang.

Arini hla thar hi Muanpuia chuan music lam a bultum a, recording chu HC Recording (Biaka) hnena a tih niin video hmuh nuam tak nen Arini hian a tichhuak a, Hminga Milestone chuan video hi a siam thung a ni.

'Emmanuel' hi Zonet Cable TV-ah zanin hian tihchhuah a ni dawn a, Arini Official YouTube channel lamah pawh duh hun huna ngaihthlak theih turin zanin dar 6-ah tihchhuah a ni bawk ang. Spotify lamah pawh he hla hi a dah nghal dawn bawk a ni.