MZI Million Views Celebration zaninah

Mizo Zaimi Inzawmkhawm (MZI) chuan zanin hian Saikuti Hall, Lungleiah MZI Library hmangtute tan Million views chawimawina hun, MZI Million Views Celebration an hmang dawn.

MZI Million Views Celebration hi LPS 1 leh MZI YouTube Channel lamah live-a pek chhuah a ni dawn a, he hunah hian YouTube lama Mizo record siamtu Zualbawihi & Lalchhanchhuaha 'Don't Cry Johny' (Thlirtu Mtd 54) leh nikhata thlirtu maktaduai nei thei Esther Hnamte 'Jana Gana Mana' te chu chawimawi tur zinga langsar an ni.

Kum dangah pawh MZI hian Million Views Celebration hi an lo hmang tawh ṭhin a, an Library hmangtute chu zalenna pein khawi hmunah pawh an video upload an phalsak a ni. Kum 2020 khan mi 35 hnenah Million Views chawimawina hi an khan tawh a, kuminah hian mi 52 lai hnenah an hlan leh dawn.

Million Views chawimawina an lo kalpui tawh hlate erawh an chhiar nawn tawh dawn lo a, an hla thar bakah an hla hlui, thlirtu maktaduai nei tling tharte aṭangin zaithiamte hi an chawimawi dawn a ni.