Mizo Hostorical Film 'TLAN RAWH' zanin aṭangin

Mizo Hostorical Film 'Tlan Rawh' chu zanin dar 8 aṭang hian Runmawi Application kaltlangin a en theih dawn.

He film hi nikum kum tawp lamah khan shooting an nei ṭan tawh a, Mizoram buai vanga zalenna sualtu Mizo pasalṭha pakhat chanchin niin, a farnu vai sipaiin an thahsak vanga phuba lak chungchang a ni.

'Tlan Rawh' hi Albert Zosangliana AZ Entertainment siam niin, film siam lamah hnuhma a lo nei nual tawh a ni. Mizo Film Award 2017-ah pawh Best Feature Film award lo la tawhin, Mizoram International Film Festival 2018-ah pawh khan a film siam chu Mizo Category-ah Best Mizo Short Film thlan a lo ni tawh bawk.

Achangtupa chu PMS Dawngliana niin, Teakowndo Black Belt a ni a, Mix Martial Art lamah hnuhma lo nei ve tawh nualin Flyweight Champion lai mek a ni. National medalist a ni bawk a, tunah hian MMA trainer ni mekin, he film-ah pawh hian amah hi 'stunt' man a ni nghal vek bawk niin film siamtute chuan an sawi.