Winamp thar a chhuak hnai?

Mizote'n computer kan hmel hriat tirha kan media player hmelhriat hmasak ber zinga mi Winamp chu an parent company Radionomy chuan version thar tihchhuah an tum.

Radionomy chuan Winamp website design thar an siam bakah logo pawh a thar an siam a, an app version thar ber hmang turin 'beta signup' tih theihin an siam bawk.

Kum 1997 aṭanga bulṭan tawh Winamp hian vawiin thleng hian khawvel ram hrang hrangah hmangtu maktaduai 80 vel a nei niin website-ah chuan an tarlang a, an version thar tur hi eng ang tak nge a nih dawn erawh tarlan a la ni lo. Tunah hian a version thar ber Winamp 5.8 chu hman theihin a awm reng tho a ni.