Gaming News: PUBG Mobile India?

PUBG Mobile developer-te chuan India rama PUBG player-te tan bika khelh theih tur game thar 'PUBG Mobile India' an tlangzarh dawn tih an sawi. PUBG Corporation chuan India ram bikah chuan Shenzhen-a hmunpui nei Tencent Games chuan thuneihna an nei dawn lo tih an sawi bawk.

India ram bik tana PUBG game an tlangzarh tur hi engtikah nge an tlangzarh dawn tih hriat la ni lo mah se ramchhung thuneitute dan zam an zawm ṭha dawn hle tih leh player-te data security pawh an venghim ṭha hle dawn tih an tarlang a ni. Audit leh verification pawh regular takin an kalpui dawn tih sawiin hei hi data himna tura a nih thu an tarlang.

PUBG Corporation hian India rama an office-a thawk tur mi 100 vel an zawng mek niin report a lo awm tawh bawk a, India ramah hian nasa taka hma lak thar an tum niin a lang.

India hian September thla khan appliaction 100 chuang a khap a, chung zingah chuan PUBG mobile pawh a tel a ni. Hetichung hian India rama PUBG Mobile player-te chuan game hi an la khelh chhunzawm reng tho a ni.