Jennifer Lopez channa Romantic Comedy film nipuiah

Jennifer Lopez channa Romantic Comedy film 'Marry Me' chu nakkum May 14-ah tlangzarh a ni dawn.

'Marry Me' hi Valentine's Day vuakvet, February 12-a tlangzarh tura ruahman vek tawh a ni a, mahse May-a tlangzarh turin an sawn hla leh a ni. 

He film hi Universal Pictures tlangzarh tur niin Jennifer Lopez bakah hian Owen Wilson, Sarah Silverman, John Bradley, Michelle Buteau, Chloe Coleman leh Mazluma-te pawh an chang.

Nikum October thla aṭang khan he film hi an chang ṭan a, tunah chuan an peihfel thawkhat tawh a ni. 

Kum 51 lai ni ve tawh JLo hi a la chhe lo reng a, a film channa pawh hi a hit leh hle a rinawm. Zaithiam vanga lar ni mah se lemchan lamah pawh a mikhual loh zia kan hre ṭheuh awm e. Kum 17 vel lek a nih aṭangin lemchan khawvel a luhcilh tawh a, film 30 chuangah sulhnu a hnut chhiah tawh a, TV show-ah pawh a inlan hnem tawh hle.