Science & Environment ; Columbus aiin Viking-te'n America an thleng hmasa

Zirchianna aṭanga a lan dan chuan Christoper Columbus-a'n North America-a ke a nghah hma kum tam takah khan Viking-te chuan awmhmun an lo khuar daih tawh.

Scientist-te chuan tunhnai khan 'dating technique' thar hmangin kum 1021 AD khan Viking-te chuan America ramah awmhmun an lo khuar daih tawh tih an hmu chhuak niin Nilaini khan an sawi. An chhut dan hi a dik a nih chuan Columbus-a'n America-a ke a nghah hma kum 471-ah chiah chiah khan Europe hmar lama khawsa hnam kawlhsente chuan America ram leilung an lo rap daih tawh a ni.

Awmhmun khuarna atana an hman thing an tan bung pathumte chu an 'dating technique' thar hmang chuan an chhut a, kum inang vek a chhuak niin an sawi.

Columbus hma hian European ṭhenkhat chuan New World an thleng tih hriat chhuah a nihna a rei tawh a, mahse tunṭum hi a vawi khatna atana a hun tak mithiamte'n an sawi chhuahna a ni thung.

Journal Nature-ah hemi chungchang hi tarlangin L'Anse aux Meadows-a awmhmun khuarna tura thing pathum Norse mite'n an tan bun chu an zirchiang tih an ziak a, solar storm-in 'atmospheric radiocarbon signal' a tihchhuah chuan kum 1021 AD vel a hmu chhuak niin an ziak a ni.