One in Christ-in an kum 10 tlin an lawm

Mizorama Gospel group lar ber pawl leh sawm hlawh ber pawl One in Christ chuan nimin khan kum 10 an tling a, an kum 10 tlin lawmna hi Synod Conference Centre-ah an nei.

Nimina lawmna hun an buatsaihah chuan OiC member lo ni tawh zawng zawngte nen hun an hmang a, an member fam ta Lalruatdiki Chhangte sunna hun an hmang bawk.

OiC Leader Alvin Lalruatfela chuan an group chanchin leh a ṭobulte a sawi a, Upa Lalnunpuia Hrahsel chuan kalkhawmte tan thuhchah ṭha tak a sawi bawk a ni.

"One in Christ chuan vawiin, October 22 hian Pathian kaihhruainain kum 10 mellung kan phun ve ta chiah a ni.

"Kum 2011 aṭang khan bul ṭanin vawiin thleng hian hla 46 kan tichhuak tawh a, album pahnih 'Ka lawm e Lalpa' leh 'Kei kher maw Lalpa' te chu kum 2016 leh 2019 khan kan ti chhuak tawh bawk," tiin OiC Leader Alvina chuan nimin khan Vanglaini a hrilh.