Bollywood film chhuak thar 'Raazi'

Kuminah Bollywood fim eng emaw zat a chhuak tawh a, Amitabh Bachchan leh Rishi Kapoor te channa ‘102 Not Out’ pawh tun hnai khan tlangzarh a ni. May 11, Zirtawpni khan Alia Bhatt channa 'Raazi' pawh tlangzarh a ni ve leh ta a, sum lakluh tam lamah pawh a che ṭha viau.

Raazi hian India box office-ah a ni khatnaah vaivelchhe 7.53 zet a lalut thei a, a che ṭha hle. A sum lakluh hi 50% zetin a pung a, a sum lakluh tawh zawng zawng chu vaibelchhe 18.83 zet a tling tawh. Alia Bhatt leh Vicky Kaushal te channa film hian sum tam zawk a thawh chhuah bel zel a rinawm.

Indian film director hmeichhe tlemte zinga mi Meghna Gulzar kut chhuak film hi tun lai Bollywood film lar leh ngaihven hlawh ber pawl a ni mek.