Zai chawlhsan mai tum lo Mel B

English singer Melanie Janine Brown chuan zai chawlhsan mai a tum loh thu leh, hla tam zawk tih chhuah a tum thu a sawi.

Spice Girl member Mel B chuan music chawlhsan chu a la ngaihtuah chhin ngai loh thu sawiin, solo a kal zel a tum thu a sawi. He thu hi tun hnai khan a sawi chhuak a, an band chungchang pawh a sawi lang.

Mel B chuan a bandmate - Emma Bunton, Geri Horner, Victoria Beckham leh Mel C te nen hun hlimawm tak an hmang tih sawiin, re-union avangin an buai rih hle tih a sawi. Thla liam ta vel khan thawkho turin thu thlung an ziak fel leh tawh niin a sawi a, an hmalakna erawh a tarlang lo thung.

Kum 42 mi Mel B hian 2013 khan ama pualin 'For Once in My Life' a tichhuak a, Billboard Hot Dance Club Songs chart-ah pahnihna a hauh phak hial. Hla dang eng emaw zat pawh tichhuak a, a thar pawh tichhuah zel a tum a ni.