Cannes Film Festival-ah milar an fuankhawm

Kum tina neih ṭhin Cannes Film Festival chu Cannes, France-ah May 8 aṭang khan ṭan a ni a, ni 12 chhunga awh ang. Cannes Film Festival 2018-ah hian milar fuankhwm an ṭhahnem hle a, film star aṭnga model lar ber ber thlengin an kat nuk mai.

71st Cannes Film Festival-ah hian Thriller film 'Everybody Knows' chu festival khuh hawn nan chhuah a ni. Spanish actress Penélope Cruz channa hi opening chang thei a nih avangin dah hniam chi a ni lo a, a lar zui hat a nih pawhin a mak lo ang. Kum 44 lai ni tawh Penélope Cruz hian lawm a hlawh a, red carpet-a a che vel pawhin mit a tlung hle.

Adventure film 'The Man Who Killed Don Quixote' chu festival kharni May 19-ah chuah a ni dawn a, festival-ah hian tlangzarh a ni dawn tihna a ni. Cannes Festival-ah hian film lar tak tak chhuah a lo ni fo tawh a, kum 2014 pawh khan 'Expandables 3' chu chhuah a ni. Mizoten thirhlum ral tu thei an tih ṭhin, Tank hmangin Expandables 3 changtute chu Cannes Film Festival-ah hian an inphur lût a nih kha!

Milar inlan
Cannes Film Festival hi film leh fashion pho chhuahna a ni ber a, film star leh model lar ber ber te pawh an inlan ṭhin. Film star zingah nikuma Best Actress award dawngtu American-German actress Diane Kruger chu Pathianni khan a inlan a, French actress pawh mit la pawl a ni. Amber Heard leh Twilight star Kristen Stewart te pawh inlan zingah an tel.

Model lar tak tak - Bella Hadid, Kendall Jenner leh Russian model chhelo Irina Shayk te chu red carpet mawitu an ni. Bella Hadid chu Dior gown nen a inlar a, tlereuh chi hrang hrang a inbel bawk. Kendall Jenner chu Ningani khan a inlana a, festival chhimtute mit fukna ber pakhat a ni. Russian model Irina Shayk pawh red carpet-ah thawmhnaw sen nen inlanin, lawm a hlawh hle.

Festival lian leh mi ngaihven hlawh Cannes Film Festival hi May 19 hian a tawp dawn a ni.