The Weeknd-a'n chhai tur a haichham lo!

Canadian singer The Weeknd hian nula chhai tur a haichham vak lo a nih hmel a, nikuma Cannes Film Festival-ah khan Selena Gomez nen red carpet an zawh a, kuminah pawh American model Bella Hadid nen an inlan leh pek!

The Weeknd leh Selena te hi hun eng emaw chen an inzui a, mipui hriatah pawh ualau takin an induhna an lantir. Cannes Film Festival 2017-ah khan mipui mit fukna an ni a, an thlalak pawh a darh nasa viau a nih kha. Kumina he festival hman a nih leh meuh chuan tunlai model lar ber pawl Bella Hadid nen an inlar leh tawh.

Canadian singer leh American model te hi hun eng emaw chen an lo inzui tawh a, tun hnaiah chanchin an rawn nei thar leh. Cannes Film Festival-ah hian Hadid hi Pathianni khan a inlan a, The Weeknd hian hian a ṭawiawm. Kum 21 mi Hadid-i'n runway a zawh lai hi mipui zing aṭangin a lo thlir a ni.

Anni pahnih hi kar hmasa lawk pawh khan an inzui hmuh an ni a, an 'renew' leh tawh niin khaw­thlang media-te chuan an tarlang. The Weeknd leh Hadid te hi kum 2016 khan an inṭhen a, hetih chhung hian Canadian singer hian Selena lung a lo len hman pek a ni.