Australia tan milarte an thawk chhuak zel

Australia ram kang ṭan­pui nan hollywood lama milarte'n hma an la zel a, social media lamah pawh mipuite ṭanpuina pe turin an sawm nasa hle.

Keeping up with the Kar­dashian star Kylie Jenner chuan instagram lamah ramsa hmul aṭanga siam slipper a bunna a dahchhuah avangin demna nasa tak a tawk. Ramsa tam tak an boral laia Kylie-i'n ramsa hmul aṭanga siam thawmhnaw a lo inbel chuan sawisel a hlawh chhoh hle a, hetih mek lai hian Kylie chuan Australia ram kang tuarte ṭanpuina turin $mtd khat a pek dawn thu a sawi daih thung.

Australia ram kang tan hian milar tam takin ṭanpuina an pe tawh a, chung zingah chuan heavy metal legend Metallica pawh an tel a ni. Anni bakah hian Elton john, Pink, Kylie Minogue, Chris Hemsworth, Nicole Kidman leh Keith Urban-te pawhin ṭanpuina sum tam tham tak an lo pe tawh bawk.