Gigi Hadid-i'n a buaina a chingfel

Model Gigi Hadid chuan a ngaihzawng hlui Zayn Malik thlalak a post avanga copyright infrigement-a buaina a hmachhawn chu a chingfel.

Gigi hian  photographer Robert O’Neil-a'n a ngaihzawng hlui Zayn Malik thla a lak chu a instagram-ah phalna la hmasa loin a post nia puhin O'Neil hian thubuai a ziaklut a; The Blast chuan court document a hmuh aṭanga a tarlan dan chuan Gigi leh O'Niel hi  $150,000-in an inrem a ni. 

O'Neil hian nikum Septem­ber thlaah daih tawh khan Gigi lakah hian thubuai a thehlut tawh a, Zayn-a thla a lak a post-ah hian Gigi hian cheng khat pawh a pe lo niin a sawi. A thlalak post aṭanga hlawkna a hmuh zawng zawng chu pe turin Gigi chu a phut bawk.

Khawthlang milarte khuan copyright infrigement chung­changah hian buaina an tawk fo a, Gigi Hadid erawh hi chuan a buaina hi a chinfel ta a, O'Niel pawh hian a thubuai thehluh zawng zawng hi a titawp nghal vek a ni.