Soompi Award-ah BTS an langsar

Korean television leh music lama chawimawina semchhuah ṭhin Soompi Award chu sem a ni leh ta a, boyband BTS an langsar hle.

13th Annual Soompi Award-ah hian K-pop lama mi langsar tak tak an fuankham ṭha hle a, band lar tak tak an inlan bawk. BTS chu a langsar ber tih ngam an ni a, GOT7 an che ṭha viau bawk. BTS hian Artist of the Year award an dawng a, an hla hit 'DNA' chu Song of the Year atan thlan a ni bawk. Hei bakah hian 'You Never Walk Alone' chu Album of the Year atan thlan a ni a, FUSE Music Video of the Year award hlan an ni bawk.

GOT7 chuan award pathum an la a, Best Male Group atan thlan an ni. Twitter Best Fandom leh Latin America Popularity Award hlan an ni bawk. Best Stage Outfit award chu Girls' Generation ten an la a, Jung Hae In chu Breakout Actor niin, Hallyu Special Award chu Jonghyun hnenah hlan a ni bawk.