Cheryl-i'n album thar siam turin hla a ngah tawk tawh

Record producer Naughty Boy chuan English singer Cheryl-i'n album thar siam turin hla a ngah tawk tawh tih a sawi.

Kum 36-a upa record produ­cer, a hming tak Shahid Khan chuan Girls Aloud star ṭhin Cheryl leh a bandmate hlui Nicola Roberts-te chuan album thar tichhuak turin hla an ngah tawk tawh tih a sawi a, an pathum chuan hla eng emaw zat an siam ho thu a sawi bawk.

Naughty Boy chuan Cheryl-i hla ho chu a ṭha hlawm hle tih sawiin, Cheryl inpeih hun hunah tlangzarh theih a ni dawn tih a sawi. 'Fight For This Love' hitmaker hla thar turte chu atan a 'personal' hlawm hle dawn tih a lo sawi tawh bawk a, Cheryl hian album thar a tichhuak har lo turah ngai ang.

Cheryl hian album pali a tichhuak tawh a, kum 2014-a 'Only Human' a tihchhuah hnuah erawh album thar a la tichhuak leh lo a ni.