Google doodle-ah María Félix

Google chuan Mexican film icon María Félix chu a piancham vawi 104-na pualin nimin khan doodle-ah an hmang.

Golden Age star hi Mexican zingah chuan khawvelin a hriat lar ber pawl a ni a, film khawvelah bik chuan a ni aia sulhnu nei ropui an awm bik awm lo ve. Kum 1950 chho kha a lar vang lai a ni a, film pawh a chang hnem malh malh hle. Kum 1943-a tih­chhuah The Rock of Souls chu a inlanna hmasa ber a ni a, hnung lam a hawi leh tawh lo. Film chan mai piah lamah, zai leh thil dangah te talent a nei ṭhat avangin hriat a hlawh hle a ni.

Google chuan hei hi a hriat hmaih lo a, a pianchampha pualin doodle-ah a thlalak an tarlang a ni. Hei vang hian a chanchin ngaihventu pawh an tam thar phah leh hle a ni. María Félix hi kum 1984 khan Italian Chamber of Fashion leh French Federation of Couture chuan 'Best Dres­sed Women in the World' atan an puang hial a ni.

María Félix hi kum 2002 April 8 khan kum 88 mi niin a thi a, a pian ni chiahah khawvel a chhuahsan leh a ni.