Ṭhazual Lengzem ; A hmun ngaiah Jenny Jathang

Jenny Jathang chuan Ṭhazual Lengzem chart-ah pakhatna a hauh leh a, a zawnin dinhmun sang ber a luah ta.

Jenny hian 'I hlui thei mawlh lo' tih hla hmangin chart hmasa lamah khan pakhatna a lo hauh tawh a, tun ṭumah pawh thlan hlawh ber a la ni. A hla hi Dina Jathang phuah a ni a, tunlai lengzem hla lar leh thlan hlawh ber a ni. Jenny hian music video pakhat chiah a la siam a, heti chuang hian mi hriat hlawh ber pawl a ni chho mek. Music Video hi kumin January thla khan a tichhuak a, Ṭhazual chart-ah hmun sang a chang nghal thei a ni.

Lengzem huangah chuan F. Zomuanpuia a langsar zel a, tun ṭumah pawh a hla pahnih chu top 10-ah an lang. A hla hit 'Lung a leng em mai' tih chu pathumnaah a awm a, kar hmasa lam khan pahnihna a ni. Tun ṭuma a tluk loh hi Lalramdini Fanai a ni a, a ni hi chart hmasa lamah khan palina niin, a rawn invawrh sang chak hle. Zomuanpuia hian 'Lo let leh la' tih hla hmangin chart hmasa lama a dinhmun ngai pasarihna a hauh leh bawk.

H. Lalvulmawia chuan hma a sawn zel a, palina-ah a in­hlang­kai. HT Lalthanzami chuan 'Ka hmangaih che a sin' tih hla hmangin top 5-ah a inhlangkai leh a, chutih rual chuan a hnungtawlh zawngin a che thung. Chart hmasaah khan top 3-ah a lang phak a, tun

ṭumah erawh H. Lalvulmawi leh Lalramdini Fanai te a tluk lo a ni.

H. Lalvulmawia hian 'Kan intiam tawh ang' tih leh 'Ka perhkhuang ṭingṭang' tih hla hmangin palina leh 10-na a hauh a, top 10-a lang kawp thei mi tlemte zingah a tel. Chart-ah hian Richard Chawngthu, Tommy L Pachuau leh Janet-i te an lang leh bawk. Tommy hi 10-an aṭangin pariatnaah a rawn invawrh chho a, chart-ah a lang zui zel a nih pawhin a mak lo ang.