Black Lives Matter movement tan DJ Marshmello

Black American George Floyd thihna avanga chi in­thliarna dona kal zelah DJ Marshmello pawh a che chhuak ve ta a, National Asso­ciation for the Advance­ment of Colored People (NAACP) hnenah  $50,000 a pe.

Electronic music pro­ducer  Christopher Comstock chuan George Floyd thihna leh mihang dang police officer-te kuta thi tawhte duh lohna lantirna a thlawp zia entirna turin  NAACP hnenah hian pawisa tam tham tak hi a pe a ni.

Twitter lamah pawh chi intliarna leh Black Lives Matter movement a thlawp thu a tarlang zui a, a fan-te chu chi inthliarna titawp turin a chah bawk. 

"Chi inthliarna hi enliam mai tur a ni ngai lo a, tuna kan chhuan kal mek hi chu a thlak danglam theitu tur pawh kan  ni, a bik takin kan sorkarin min pumkhat theih loh hunah hian," tiin a sawi.

Marshmello hian a Twitter-ah pawl dang a thlawpte pawh a tarlang a, chung zingah chuan Color of Change, National Bail Out, Equal Justice Initiative, Know Your Rights Camp, leh Black Visions Collective-te pawh a tel a ni.