‘Exorcist’ franchise thar 2023 aṭangin tihchhuah a ni dawn

Universal Pictures leh Blumhouse Productions chuan kar hmasa lamah khan thuchhuah siamin kum 2023 aṭangin Exorcist franchise thar an tihchhuak dawn tih an tarlang.

Thuchhuah an siama an tarlan dan chuan October 13, 2023-ah chuan Exorcist franchise thara film hmasa ber chu an tihchhuah hman an beisei a ni.

Deadline lam chuan Universal Pictures leh NBCUniversal streaming service Peacock-te chuan Blumhouse leh Morgan Creek-te chu he film pathum tichhuak tura phalna an neih theihna atan hian inremna $maktaduai 400 an siampui tawh niin an tarlang ve bawk.

Exorcist film hmasa bera chang, Ellen Burstyn pawh a inlan leh dawn niin an tarlang bawk a, a role hmasa ang tho, kawchhunga ramhuai lut nu lemah a chang leh dawn a nih hmel.

David Gordon Green chu heng film pathum direct tur hian an be tawh niin an sawi bawk.

Exorcist hi film hrang hrang an siam tawh a, a hmasa ber kha kum 1973-a tlangzarh daih a ni tawh. Chumi hnuah chuan Exorcist II: The Heretic (1977), The Exorcist III (1990), Exorcist: The Beginning (2004), leh Dominion: Prequel to the Exorcist (2005)-te chu an tichhuak leh tawh a ni.