Uriah Heep Singer John Lawton a boral

English rock band Uriah Heep vocalist ṭhin John Lawton chu June 29 khan kum 74 mi niin a thi.

Uriah Heep-in thuchhuah an siamah chuan an vocalist ṭhin chu an beisei loh takin a thi tih an tarlang a, a thih chhan erawh tarlan a ni lo.

Report ṭhenkhata tarlan a nih dan chuan Lawton hi a nupui kiangah thlamuang takin a thi a, a chhungkhat leh ṭhian hnaivai tlem azawng chauh sawmin vuina hun an hmang ang.

Lawton hian kum 1976 khan Uriah Heep hi a zawm a, an original singer David Byron thlakin an studio album 10-na 'Firefly'-ah khan a telpui hman chiah chiah a, Live in Europe '79 concert album thleng khan a tel a ni.

Kum 1995 leh 2013-ah khan rei lote chhung ve ve Uriah Heep hi a pui leh zuai bawk.