Mizo Film thar Grace Zanin aṭangin en theih dawn

Grace chu kum khat dawn buaipui a nih hnuah March 6 khan sawm bik tlemte hmaah Frederick Lalrindika, Bethel Ministry Speaker chuan a tlangzarh a, zanin aṭang hian en theihin chhawp chhuah a ni dawn.

Zanin hian Vanapa Hall-ah tihchhuah a ni dawn a, naktuk zanah hian Hawla Auditorium-ah chhuah leh a ni bawk ang. He hunah hian a changtute pawh an inlan dawn a, chumi zawh lamah chuan Mizoram chhung hmun hrang hrangah chhuah chhunzawm a ni dawn.

March 20 leh 21 hian Lunglei, Champhai leh Serchhipahte chhuah a ni anga, March 27 leh 28 hian Kolasib lamah tihchhuah a ni leh bawk ang. Grace-ah hian a changtute pawh an ṭha hle a, Thingtlang Tlangval aṭanga kan hriat lar Rosangpuii Ralte bakah Gospel singer Lalduhsaki leh Cindy-te pawh an chang a ni. Tlangzarhnaa ente chuan hmuhnawm an tih thu an sawi nasa a, Kristian film ṭha tak a nih thu an sawi uar hle. Booking tiduh tan Phone No- 7630037253-ah a biak theih a ni.