LA police kuta inpe tur Marilyn Manson

Rockstar Marilyn Manson chu Los Angeles Police Department kutah a inpe dawn niin khawthlang media-te chuan an tarlang.

Kum 2019-a New Hampshire concert-a videographer a beih thubuai avangin police kutah hian a inpe dawn niin N.H. police chief Anthony Bean Burpee chuan Variety a hrilh.

Manson man phalna hi kum 2019 October thla khan tihchhuah a ni tawh a, nikum May thlaah khan hemi chungchang hi police-te chuan puangzarin. police kutah a inpek chuan August thla laihawl velah hi chuan New Hampshire court-ah a inlan rin a ni.

Marilyn Manson hi tunhnaiah a che buai chho hle a, hmeichhe hrang hrangin mipat hmeichhiatna kawnga an puh mualpho avangin thubuai hmachhawn tur dang pawh a la nei chho nual dawn a ni.