Lallianmawia Pachuau hla YouTube-a lo dah tawhte la thla turin ngen

Hranghlui zaithiam fam ta Lallianmawia Pachuau chhungte chuan a zaite dah ṭhatna tur YouTube channel siam thar- Lallianmawia Pachuau_Official an siam thar a, hetah hian Lallianmawia hlate chu an dah dawn avangin YouTube channel danga a hlate dah tawh lo turin leh lo dah tawh tu zawng zawngte pawh la thla vek turin kan ngen.

Lallianmawia Pachuau hla te an remtihna tel loa YouTube-a upload tawh lo tur leh hralh sum atana an duh dan dan a lo sa tawh lo turin an ngen bawk.

Lallianmawia Pachuau hi a vanglai tak, kum 1987 May 18 khan a thi a ni. A hlate a hunlaia Mizote tuipui ber a ni a, 'Di fuh te', 'Jenny a tel ve lo', 'Thliah loh tleitir' tih leh a hla, tam tak chu tun thlengin kan hriat lar a la ni reng a, 'Di fuh te,' 'Duatlai Ate', 'Zanlai thlifim' albumte chu tun tlengin Mizo album tihchhuah tawha hralh hnem ber pawl a ni hial. Fakna hla a phuah 'Engkimah min hria' tih chu tun thlenga fakna hla ṭha berte zinga mi a ni.