NETFLIX film thar turah Charlize Theron leh Niki Caro an thawk dun

Charlize Theron leh 'Mulan' director Niki Caro-te chu NETFLIX lama tihchhuah tur film thar siam turin an thawk dun.

Kum 45 mi 'The Italian Job' actress leh kum 54 mi film siamtu larte hian infiammi hmeichhe pali, surfing lama intluk tlanna a awmna tura beite chanchin film-in an siam dawn nia tarlan niin a film hming tur tak erawh an la sawi lang lo.

Variety-in a tarlan dan chuan Daniel Duane New York Times Magazine piece, 'The Fight For Gender Equality In One of the Most Dangerous Sports on Earth' behchhanin film hi an siam dawn niin an tarlang a, surfer- Bianca Valenti, Andrea Moller, Paige Alms leh Keala Kennelly-te chanchin a ni dawn a ni, an ti.

Heng hmeichhe palite hian mipa thununna hnuaia awm surfing lama intluktlanna a awm theihna tura an beih dan vel Theron leh Caro-te hian tarlan an tum a nih hmel. Charlize Theron hi producer a ni ang.