Kerala CM thar atan Pinarayi Vijayan la lut

Communist Party of India-Marxist (CPI-M) hruaitu Pinarayi Vijayan chu Ningani khan a term hnihna turin Kerala Chief Minister thar atan lakluh a ni. A rual hian a cabinet minister tur mi 20-te lakluh an ni bawk.

Governor Arif Mohammed Khan chuan kum 77 mi Vijayan leh a minister-te hi Thiruvananthapuram-a Central Stadium-ah rinawmna thu tiam tirin a lalut. Hri leng vangin sorkar thar lakluh inkhawm hi mawlmang taka buatsaih a ni.

Minister atana lakluh mi 20 zinga mi 12 chu CPI(M) member niin, an thawhpui CPI aṭangin mi pali, Keralaa Congress(M), Indian National League, Demcoratic Kerala Congress, Nationalist Congress Party leh Janata Dal (Secular) aṭangin mi pakhat ṭheuh ruat an ni bawk.

Lakluh inkhawm zawh hian CM Vijayan chuan cabinet meeting hmasa ber ko nghalin, minister-te chanpual tur hi a sem a ni. CM hian home, vigilance leh IT-te a chang dawn a, minister a nih ṭum khatna turin a makpa, PA Mohemd Riyas chuan PWD a chang dawn a ni.