Resident Evil anime series July-ah

Resident Evil anime series chu NETFLIX-ah en theihin a awm dawn tih thla riat vel liam taah khan puan a ni tawh a, tunah erawh an tihchhuah hun tur a hriat ta. July 8 aṭangin en theihin a awm dawn.

Netflix lama Resident Evil anime an tihchhuah tur hi Resident Evil: Infinite Darkness tih a ni dawn a, Resident Evil 4 dawta thil thleng anga siam a ni. Tlangzarh hun tur an puanzar rual hian a trailer thar en theihin an dah nghal bawk a, YouTube lamah pawh he trailer hi an dah chhuak a ni.

Hei chauh hi Netflix-in Resident Evil series an tihchhuah tur a ni lo a, live-action TV series pawh tunah hian an buaipui mek a, live-action movie thar pawh kan la hmu leh mai thei bawk.