Animated series thar tur Batman: Caped Crusader

HBO Max leh Cartoon Network lamah Batman series thar Batman: Caped Crusader tihchhuah a ni dawn tih Nilaini khan puan a ni.

He series tharah hian JJ Abrams bakah The Batman director Matt Reeves leh DC Animated Universe architect Bruce Timm-te chu executive producer an ni dawn.

Emmy award hial pawl lo dawng tawh Batman: The Animated Series anga a hlawhtlin leh beiseiin Batman: Caped Crusader hi an siam dawn a, a art work pawh a inzul viau dawn niin a lang.

Batman: Caped Crusader bakah hian Superman series thar pawh a awm dawn a, chu chu My Adventures With Superman tih a ni dawn. He series-ah hian Warner Bros. Animation (WBA) leh Cartoon Network Studio president Sam Register chu executive producer zingah a tel dawn thung.

My Adventures With Superman hi season hnih an siam phawt dawn tih a chiang tawh a, Batman leh Superman fan-te tan chuan thu hriat nuam tak pawh a ni ngei ang.