BTS single thar 'Butter' a 'hit' nghal

ARMY-te'n an nghahhlelh K-Pop superstar Bangtan Boys chuan an single thar 'Butter' chu nimin khan an 'drop' ta a, a hit nghal hle a, darkar khat chhungin YouTube-ah thlirtu maktaduai 24 chuang a nei hman!

'Butter' hla hi dance-pop niin Jungkook chuan mawi tak maiin a hla a rawn khuh hawng a, V, J-Hope, RM, Suga, Jin leh Jimin-te'n rawn zawm ve nghalin , an music video pawh a hmuhnawm lehpek hle.

An idol BTS-te'n hla thar an tichhuak chiah chu Army ho chu 'Butter' angin an tuiral nghal a, social media platform hrang hrangah an share nasa nghal hle a ni.

'Butter' hi BTS english single pahnihna a ni a, karleh lamah chuan chart hrang hrangah kan hmu leh nual ang tih a rinawm a, May 23-a Billboard Music Awards semna Microsoft Theater, Los Angeles-a neih turah pawh an hla thar hi an perform dawn a ni.