‘Knives Out 2’-ah Kate Hudson chang dawn
Daniel Craig channa 'Knives Out' film chhunzawmna an siam leh tura chang tur zingah Kate Hudson hming thailanin a awm ve leh ta a, he film-ah hian milar inlan tur an ṭhahnem tawh hle.
A film hmasaah pawh khan milar tak tak chang an tam a, a chhunzawmnaah pawh hian milar inlan tur an tam tawh hle. Leslie Odom Jr., Kathryn Hahn, Janelle Monáe, Dave Bautista leh Edward Norton-te chu 'Knives Out 2'-ah hian an chang dawn tih tarlan a lo ni tawh a, nimin lamah khan Kate Hudson hming hi thailan a ni ve leh ta a ni.
Knives Out chhunzawmna siam tur hian MRC leh Lionsgate kut aṭangin Netflix chuan mawhphurhna an la fel tawh a, rei loteah production pawh an ṭan maiin a rinawm.
Film hmasa kha $mtd 40 vel senga an siam niin kum 2019 khan an tlangzarh a, $mtd 311.4 lai a hmu chhuak. Daniel Craig, Chris Evans, Ana de Armas, Jamie Lee Curtis, Michael Shannon, Don Johnson, Toni Collette, Lakeith Stanfield, Katherine Langford, Jaeden Martell, leh Christopher Plummer-te an chang a, critics lam pawhin an fak hle a ni.