Ruatdiki pualin hla tichhuak dawn

One In Christ member, nikum lama van kohna chhang ta Lalruatdiki Chhangte pualin zanin hian a ṭhiante'n hla an tichhuak dawn a, Zonet Zawlbukah dar 6:45-ah thlira ngaihthlak theihin a awm ang.

Ruatdiki puala hla an tihchhuah tur hi 'Kan Phal Thei lo' tih a ni a, One In Christ member ṭhin Elizabeth Lalmuanpuii Pachuau, Lalremtluangi Ralte, Julie Zorinpuii Renthlei leh Lalbiakzuali Ralte-te bakah an ṭhian dang Lancy Remlalhruaii leh Laltleipuia Ralte te'n thiam takin an sa a ni.

He hla hi Julie Zorinpuii Renthlei phuah niin a thluk chu Rita Renthlei siam a ni thung. Music leh recording chu Thangbawiha (EME Records) kut chhuak a ni a, Video chu Te-a Video Production kut chhuak a ni thung.

Vawiin hi Ruatdiki boral champha kum khatna chiah a ni a, chumi pual chuan a ṭhiante hian hla hi an tichhuak a ni.