Apple-in kumin Q3-ah Tablet an hralh hnem ber

Kumin third quarter (3Q20) khan Global tablet shipment-ah Apple chu hmahruaitu niin 29.2% shipment chu Apple-in an hauh niin  International Data Corporation (IDC) chuan an tarlang.

IDC report aṭanga a lan dan chuan 3Q20-ah Apple hian tablet (iPad) maktaduai 13.9 an thawn chhuak a, year-over-year (YoY) growth 17.4% chu 17% a ni. Mahse market growth-ah erawh an tlahniam hret thung nia tarlangin nikum lamah kha chuan Apple share 31.1% niin an tarlang.

Samsung chu pahnihna niin tablet maktaduai 9.4 an thawn chhuak thung a, YoY growth 89.2% lai an nei thung. Nikum lamah kha chuan mtd 5 vel chiah an thawn chhuak a ni.

IDC Worldwide Quarterly Personal Computing Device Tracker data aṭanga a lan dan chuan Covid-19 vanga inkharkhip vangin kawvel mipuiin technology lam an hawi nasa lehzual a, chaw ei chhuah, intihhlim leh zinkual aiin kumin chhung hi chuan  technology-ah sum hman a tam zawk, an ti.