Kaley Cuoco-in ‘A Season With Mom’ film-ah siam dawn?

Penny tia The Big Bang Theory fan-te'n an hriat lar Kaley Cuoco production company Yes, Norman Productions chuan Katie Russell Newland lehkhabu ziah 'A Season With Mom' chu film-a siam tura phalna an nei tawh.

‘A Season With Mom’ hi April 6 khan Harper Collins kaltlangin Katie Russell chuan a tlangzarh a, cancer dam chhuak leh, baseball atchilh tak chanchin niin, season khatah Major League Baseball park 30 lai a tlawh chhuah vek chungchang a ni.

The Big Bang Theory a tawp hnu khan Penny! Penny! Penny! tia Sheldon-a kawngka kik thawm hriat tur awm tawh lo mah se Kaley Cuoco hi a reh zui hauh lo. Yes, Norman Productions hi kum 2017 khan a din a, hemi kaltlang hian Harley Quinn animated series a tihchhuah bakah, nikum lama series lar tak The Flight Attendant a tichhuak bawk. Harley Quinn-ah hian a aw a thawh bakah The Flight Attendant-ah phei hi chuan amah hi a chang ve leh nghe nghe a, chumi avang chuan Golden Globes, SAG leh Critics Choice-ahte pawh nomination a hmu leh hial a ni.