2021 Billboard Music Awards nomination an puang ta
Billboard chuan kar hmasa Ningani khan 2021 Billboard Music Awards nomination an puang a, Canadian singer The Weeknd chu nomination hmu tam ber niin category 16 a hmu. DaBaby chu nomination hmu tam ber dawttu niin 11 a hmu a, Pop Smoke chuan 10 hmu bawkin country singer Gabby Barrett chuan pakua a hmu thung.
Meghan Thee Stallion chuan pasarih lai nomination a hmu bawk a, Bad Bunny, Drake, fam ta Juice WRLD leh Chris Brown-te pawhin pasarih ṭheuh an hmu ve bawk.
Lil Baby, Morgan Wallen, Justin Bieber leh Doja Cat-te chu nomination hmu tam zingah a tel ve bawk a ni. Kumin Billboard Music Awards hi NBC-ah May 23 hian tihchhuah a ni dawn a, Microsoft Theater, Los Angeles aṭangin live-a pek chhuah a ni ang.
Category ngaihnawm tur Top Artist-ah chuan Drake, Juice WRLD, Pop Smoke, Taylor Swift leh The Weeknd-te an awm tlang a, tupawh hi award la awm ṭhiau vek an ni bawk a, he category hi chuan ngaihven a hlawh zual ang.
Top Social Artist (Fan Voted) a ngaihnawm dawn
He category-ah hian BLACKPINK, BTS, Ariana Grande, SB19 leh Seventeen-te an awm zaa, chuvang chuan ngaihven a hlawh lo thei lo. BLACKPINK leh BTS phei hi chu tunlaiin an thawm a ring zual hle a, he category hi a ngaihnawm dawn tih a chiang.
Chrisitian music huanga langte chu..
Top Christian Artist award la thei tur zingah Casting Crowns, Elevation Worship, for KING & COUNTRY, Carrie Underwood leh Zach Williams-te hming a intlar a, hei hi Kristiante tan chuan category ngaihven hlawh tur a ni.
Carrie Underwood hi Top Country Female Artist award la thei tur zingah a tel bawk a, Top Country Album leh Top Christian Album-ah pawh a hming a lang bawk.
2021 nomination ṭhenkhat
Top Artist
- Drake
- Juice WRLD
- Pop Smoke
- Taylor Swift
- The Weeknd
Top New Artist
- Gabby Barrett
- Doja Cat
- Jack Harlow
- Pop Smoke
- Rod Wave
Top Male Artist
- Drake
- Juice WRLD
- Lil Baby
- Pop Smoke
- The Weeknd
Top Female Artist
- Billie Eilish
- Ariana Grande
- Dua Lipa
- Megan Thee Stallion
- Taylor Swift
Top Duo/Group
- AC/DC
- AJR
- BTS
- Dan + Shay
- Maroon 5
Top Billboard 200 Artist
- Drake
- Juice WRLD
- Pop Smoke
- Post Malone
- Taylor Swift
Top Hot 100 Artist
- DaBaby
- Drake
- Dua Lipa
- Pop Smoke
- The Weeknd