Paris leh Wimbledon ka thlir - Osaka

Grand Slam nomawi pali a nei tawh a, a la duhtawk mai lo. Naomi Osaka chuan tunah chuan French Open leh Wimbledon lama hlawhtlinna chan tuma a beih tur thu a sawi chhuak.

Japanese star hian major title pali a lakna hi hard court chungah vek a ni a, tun hma chuan clay leh grass court-ah beisei a phak lo ṭhin. Kuminah erawh a sulhnu ṭha lo siamṭhat a tum - Paris leh London khawpuiah a inlan ngei dawn.

World number 2 Osaka chuan, "Mitin hian hmasawn zel ka duh, ka tan chuan clay leh grass hi chu inkhelh nawm berna hmun chu a ni lo ngei mai. Mahse kuminah chuan thawnthu tih danglam ka tum dawn a ni," a ti.

Hmeichhe player inkhel mek (active) zingah Serena Williams leh Venus Williams dawtah chuan Osaka hi major title nei hnem ber a ni. Amaherawhchu, French Open leh Wimbledon-ah hian third round a la pel ngai lo.