Indian boxer pariatin final an lut

AIBA Men’s and Women’s World Boxing Championship neih mekah Indian boxer an che ṭha. Indian boxer pariat ten final an lut a, an zinga pasarih ngawt chu hmeichhia an ni thung.

Kielce, Poland-a inelna neih laiah final lut pariat bakah hian Indian boxer dang pathum chuan bronze medal an hlawh chhuak a, kum 2018 hnu lamah India hian a vawi khat nen tournament pakhat aṭangin medal 10 chuang a hlawh chhuak leh ngei dawn.

Vawiin hian hmeichhe player - Gitika (48kg), Babyrojisana Chanu (51kg), Vinka (60kg), Arundhati Choudhary (69kg), Poonam (57kg), Thokchom Sanamacha Chanu (75kg) leh Alfiya Pathan (81+kg) te chuan final an khel ang.

Mipa boxer Sachin (56kg) chuan final a inhlangkai bawk a, midang erawh bronze medal-ah an lungawi a ngai dawn. Mipa final hi Zirtawpniah khelh tur niin, India tlangval hian Kazakhstan boxer Yerbolat Sabyr a hmachhawn dawn.