GOT star Pilou Asbaek Aquaman 2-ah

Khawvela serial lar ber pawl Game of Thrones-a Euron Greyjoy lema chang, Pilou Asbaek chu DC film Aquaman 2-ah a inlan dawn tih Deadline chuan an tarlang.

Pilou Asbaek hian GOT lama a lo chanpui tawh Jason Momoa chu a thawhpui leh dawn niin a lang a, mahse hemi chungchangah hian Warner Bros. chuan engmah an la sawi chiang lo thung.

Aquaman 2 hi James Wan bawkin a direct leh dawn a, David Leslie Johnson-McGoldrick chu script ziaktu niin a plot tur hriat theih a la ni lo a, Pilou Asbaek pawh hi tu lemah nge a chan dawn tih engmah hriat a la ni lo. Aquaman film hmasa kha a hlawhtling hle a, khawvel pum box office aṭangin $tluklehdingawn 1.14 lai sum a lalut a ni. A chhunzawmna Aquaman 2 hi nakkum December 16-a tlangzarh turin ruahmanna an siam.

Pilou Asbaek hian lemchan lamah sulhnu a hnutchhiah nual tawh a, GOT bakah Overlord, Run Sweetheart Run leh tunhnaia Netflix film thar Over the Wire-ahte a chang a ni.