Social media-ah hlimna a awm lo - Alicia Vikander

Mitam tak inkawm hlimna ni mah se, Swedish actress Alicia Vikander tan erawh social media-ah hlimna tur reng a awm lo!

'Tomb Rider' star hian thla khat vel kalta khan a Instagram account chu a lo titawp tawh a, a chhan tur awm ang pawh a hriat theih mai awm e. Alicia Vikander chuan, "Social media hi mitam tak chuan an hlimpui a ni mai thei, kei chuan hlimna tur ka hmu lo a ni," tiin a sawi.

Kum 30 mi chuan sawi zawmin, "Ka tan chuan a ṭhatna leh ṭangkaina awm reng ka hre lo a, ka hlimpui ve hek lo," tiin a sawi a, a thusawi hi ṭawmpui lo fe fe chu an awm nuk ngei ang. Hemi chungchang hi Harper's Bazaar magazine-in an kawm ṭumin a sawi chhuak a, mi tam tak chuan 'Tomb Raider' a flop vanga beihna a tawh nasat vangah an ngaihsak.

Alicia Vikander hian American actress Elizabeth Olsen hnung zuiin social media intihbuai tir loh a tum a, rei a daih ang em tih chu hunin a la hril dawn a ni. 'Avengers: Infinity War' star Elizabeth Olsen hian social media chuan a nunah harsatna tam tak a thlen nia sawiin, a account-te a lo titawp tawh hlawm a ni.